Таласта репродуктивдүү саламаттык боюнча тренинг өтүүдө

Талас облусунда “Репродуктивдүү саламаттык боюнча кызматтын социалдык мобилизациясын жана өнөктөштүк процессин жакшыртуу” деген аталышта 3 күндүк тренинг-семинар өтүүдө. Бул тууралуу бүгүн, 23-майда Саламаттыкты сактоо министрлигинен билдиришти.

Семинар-тренингдин жүрүшүндө облус аймактарындагы экономикалык, медициналык жана социалдык көйгөйлөр козголуп, алардын кесепетинен келип чыккан көйгөйлөр, катышуучулардын өз айылдарындагы азыркы учурдагы ден соолукка байланыштуу маселелер аныкталмакчы.  

Маалыматка ылайык, аталган тренингге облустун Талас районунун жана Бакай-Ата районунун ден соолукту чыңдоо бөлүмдөрүнүн адистери, социалдык кызматкерлер жана жергиликтүү дин өкүлдөрү катышууда.

Аталган долбоордун алкагында өлкөнүн бардык аймактарында үй-бүлөнү иреттештирүү, эненин жана баланын ден соолугунун коопсуздугу, КР жарандарынын репродуктивдүү укуктарын, исламдагы аял менен эркектин укуктарын окутуп үйрөтмөкчү.