"Ата Мекендин" депутаттары Ош шаарында мыйзамсыз курулган үйлөрдү көрүп чыгышты

Бүгүн, 23-майда Ош шаарында парламенттеги "Ата Мекен" фракциясынын көчмө жыйыны өттү. Анын алкагында депутаттар шаардагы документи жок, мыйзамсыз курулган үйлөрдү көрүп чыгышты.

Эл өкүлдөрү Баку көчөсүндөгү бир катар үйлөрдү көрүштү. Бул боюнча шаар жетекчилиги тиешелүү кадамдарды жасашы керектиги айтылды. Мындай баш аламан курулуштардын алдын алуу жана кыскартуу боюнча чараларды көрүү үчүн өкмөткө тапшырмалар берилери белгиленди.