Сокулук районунда автокырсыктан 2 киши көз жумду

Сокулук районунун аймагында Бишкек- “Манас” аэропорту багытындагы автожолдун 35-чакырымында 10-январда автокырсык болуп, эки киши каза болду. Бул тууралуу Өзгөчө кырдаалдар министринин басма сөз кызматы билдирди. Маалыматка ылайык, Опель авоунаасынын айдоочусу жылгаяктан улам унааны башкара албай, даракты сүзгөн. Автокырсыкта каза болгондор: айдоочу - 1993-жылы туулган  Гүлжигит Максатбек уулу жана жүргүнчү - 1996-жылы туулган М.Сагыналиев экендиги аныкталды. Мындан сырткары бир киши жараат алып, Бишкек шаардык ооруканасына жеткирилген.