Дүйнөнүн эң семиз адамы каза тапты

2007-жылдан бери дүйнөнүн эң семиз адамы деп эсептелип келе жаткан мексикалык Мануэль Урибе 26-майда 48 жашында каза тапты. Бул тууралуу чет элдик маалымат булактары жазып чыгышты.

Маалыматка ылайык, Мануэль 2-майда жүрөк оорусу кармап, Монтеррей шаарындагы ооруканалардын бирине жүк көтүрүүчү кран менен жеткирилген. Ал жактан анын боору да ооруй тургандыгы аныкталган. 

Белгилей кетсек, 2001-жылы Мануэль Урибенин салмагы 597 килограммды түзүп, төшөктөн тура албай калган. 2008-жылы дарыгерлердин жардамы жана диета кармоо менен салмагын 360 килограммга түшүргөн. Каза болордун алдында анын салмагы 394 килограммды түзгөн. Анын артында жубайы Клаудия гана калды.