Жоомарт Оторбаев: “Кыргызстанда экономика менен кошо электр энергиясын колдонуу да өсүүдө”

Премьер-министр Жоомарт Оторбаевдин жетекчилиги менен бүгүн, 27-майда өнөктөштөр менен иштешүү боюнча Координациялык кеңештин жыйыны өттү. Жыйындын башында өкмөт башчы кеңеш донордук уюмдар менен эффективдүү иштешүүгө аянтча болуп берерин билдирди. Айтымында, энергетика тармагындагы көйгөйлөрдү чечүү - учурдун талабы. “Өкмөттүн көңүл буруусунун 30-40 пайыздык энергетика маселелери ээлейт. Быйылкы кыш мезгили ийгиликтүү эле өткөндөй болду. Өлкө экономикасынын өсүшү менен кошо электр энергиясын колдонуу да өсүүдө. Бул системди модернизациялоо зарыл”,- деди премьер.