Бишкек - Кара-Балта жолун оңдоого банктан 100 миллион доллар алуу боюнча мыйзам долбоору 3-окууда добуш берүүгө жөнөтүлдү

Бишкек - Кара-Балта унаа жолунун боюн жарыктандыруу жана трассаны кеңейтүү демилгеси ЖКнын 28-майдагы жыйынында каралып, 2-3-окууда добуш берүүгө жөнөтүлдү. Депутат Каныбек Иманалиев мыйзам долбоору боюнча эч кандай сунуштар түшпөгөнүн билдирди. 

Азия өнүктүрүү банкынан алынган акчага Бишкек - Кара-Балта шаарларынын ортосундагы 52 чакырым унаа жолун жаңылоого 100 миллион доллар жумшалары айтылууда. Жолдун 9 чакырымы 6 тилкелүү, 41 чакырымы 4 тилкелүү болмокчу. Мындан сырткары жээгине 3-4 метр кеңдиктеги тротуар курулат.