Түрк тилдүү мамлекеттердин Кызматташтык кеңешинин катчылыгында кыргызстандык 2 адам иштейт

Түрк тилдүү мамлекеттердин Кызматташтык кеңешинин катчылыгында кыргызстандык 2 жаран иштейт. Муну парламенттин 28-майдагы жыйынында каржы министри Ольга Лаврова билдирди. Депутаттардын "Аталган кеңештин катчылыгында жалпы канча адам иштейт?" деген суроосуна министр так маалымат бере албай турганын айтты. Айта кетсек, түрк тарап 2017-жылга чейин аталган уюмга Кыргызстандын мүчөлүк акысын төлөп бергени жатат. 

Жыйында депутат Дастан Бекешев "арзыбаган мүчөлүк акыбызды Түркиянын төлөп жатканы уят" деген пикирин билдирди.