Депутаттар “Токтогул суу сактагычындагы суу былтыр кышында сатылды” деген маалыматты текшерүүнү сунуштоодо

Жогорку Кеңештин 29-майдагы жыйынында депутаттар “Токтогул суу сактагычындагы суу былтыр кышында сатылды” деген маалыматты текшерүүнү сунушташууда. Муну депутат Анвар Артыков билдирип, бул боюнча тийиштүү органга атайын тапшырма берүү зарылдыгын айтты. “Иликтешибиз керек. Эгер эл суунун сатылып жатканын айтса, демек, бир нерсе болушу мүмкүн. Суу быйыл катуу азайды, мындай тарыхта болгон эмес”,- дейт депутат. 

Депутат электр энергиясынын өздүк наркы боюнча Энергетика жана өнөр жай министрлиги так маалымат бербей жатканын билдирди.