Жалал-Абад облусунда 226 мугалим жетишпейт

Жалал-Абад облусунда мугалимдердин жетишсиздиги курч маселе бойдон калууда. Бул тууралуу өкмөттүн Жалал-Абаддагы өкүлчүлүгү билдирди. Белгилүү болгондой, бүгүнкү күндө жалпы орто билим берүү мекемесинде 15 478 мугалим иштейт жана 226 мугалим жетишпейт. Өткөн жылы акча каражаты өз убагында бөлүнбөгөндүктөн, 7 мектеп бүтпөй калган. Ошол эле учурда 28 мектеп кыйроо абалында турат. Облус боюнча мектептерди окуу китептери менен камсыздоо 83,1 пайызды түзөт.