Бишкек мэриясы: "Шаар көчөлөрүндө сырткы жарыктандырууну модернизациялоо" долбоорун ишке ашыруу аракети башталды

Бишкекте "Шаар көчөлөрүндө сырткы жарыктандырууну модернизациялоо" долбоорунун техникалык-экономикалык негиздемесин даярдоо иштери башталды. Бул боюнча май айынын аягында жумушчу топ менен "Азия шаарларын өнүктүрүү демилгелери" Эл аралык фондунун консультанттары жолугушуу өткөрүштү. Ага шаардын вице-мэри Олег Попиков, Бишкек шаарын өнүктүрүү агенттигинин директору Азамат Усубалиев жана башка тийиштүү жетекчилер катышканын мэриядан билдиришти. 

Сүйлөшүүдө аталган долбоорду ишке ашыруунун биринчи этабы, каржылык, социалдык-экономикалык, техникалык маселелери талкууга алынды. 

Вице-мэр долбоорду ишке ашыруу боюнча тендерди ушул жылдын октябрь айында өткөрүү зарылдыгын белгиледи.