Валерий Диль Чүйдөгү өнөр жай ишканалары менен таанышты

Вице-премьер-министр Валерий Диль 31-май күнү Чүй облусундагы Жайыл жана Панфилов райондорундагы өнөр жай ишканалары жана социалдык мекемелер менен таанышты. Бул тууралуу өкмөттүн басма сөз кызматы билдирди.

Валерий Диль Кара-Балта шаарындагы “Суу менен камсыздоо жана шаардагы канализацияны реабилитациялоо” долбоорун ишке ашырууну тездетүү керектигине өзгөчө көңүл бурду.

“Бул долбоорду өнүктүрүү жана реконструкциялоого Европа банкынан 5 миллион доллар бөлүнгөн. Анын 2 миллиону төмөнкү насыялык кредит катары берилсе, 3 миллиону грант катары берилүүдө”,- деди вице-премьер.