Швейцариялык астрономдор Жер шарынан 17 эсе оор планетаны табышты

Швейцариялык астрономдор Жер шарынан 17 эсе оор планетаны таап чыгышты. Алар ага Кеплер 10 с деген ат ыйгарып, экзопланеталардын катарына кошушту. Бул тууралуу бүгүн, 3-июнда чет элдик маалымат каражаттары жазып чыгышты.

Маалыматка ылайык, жаңы планета "NASA Kepler" астрономиялык спутнигинин жардамы менен табылган. 

Кошумчалай кетсек, үстүбүздөгү жылдын апрель айында да астрономдор Жер планетасына окшош, көлөмү андан бир аз чоңураак болгон планетаны табышып, ага Kepler-186 f атын ыйгарышкан. Ошондой эле алар ал планетанын климаты өтө суук да, өтө ысык да эместигин, суу чыгып турарын жана тирүү организмдердин өнүгүшүнө шарт бар экендигин айтышкан.