Жоомарт Оторбаев "Кара-Жыгач" сейил багындагы мыйзамсыз курулуштарга нааразы болуп, анын чек араларын тактоого буйрук берди (фоторепортаж)

Премьер-министр Жоомарт Оторбаев "Кара-Жыгач" сейил багы 1881-жылы түптөлгөнүн айтты.

Бишкектин мэри Кубанычбек Кулматов Жоомарт Оторбаевге сейил бактагы мыйзамсыз сатылган жер тилкелерин көрсөтүүдө.

Бишкектин мэри Кубанычбек Кулматов Жоомарт Оторбаевге "Кара-Жыгач" сейил багындагы мыйзамсыз сатылган жер тилкелерин көрсөтүүдө.

"Кара-Жыгач" сейил багынын картасы

Иш-чаранын жүрүшүнөн

Жоомарт Оторбаев жана Кубанычбек Кулматов сейил бактын кооздугуна суктанышууда.

Жоомарт Оторбаев сейил бактын кооздугуна суктанууда.

Сейил бактан көрүнүш

"Кара-Жыгач" сейил багы

Сейил бактын аймагынан жер тилкесин сатып алган тургун көйгөйүн айтты.

Кубанычбек Кулматов жер тилкелерин сатып алгандарды башка жакка көчүүнү сунуштады.

"Кара-Жыгач" сейил багынын аймагынан жер тилкесин сатып алган жаран жердин Кызыл китебин журналисттерге көрсөтүүдө.

"Кара-Жыгач" сейил багына курулган үй

Бүгүн, 3-июнда премьер-министр Жоомарт Оторбаев жана Бишкектин мэри Кубанычбек Кулматов иш сапары менен "Кара-Жыгач" сейил багында болушту. Иш-чарада аталган бактын бир топ жери сатылып кеткени айтылды.

Өкмөт башчынын айтымында, "Кара-Жыгач" сейил багын 1881-жылы ботаник А.Фетисов түптөгөн. “Башында аянты 215 гектар болгон. 1990-2000-жылдары жер тилкелери жеке менчикке мыйзамсыз берилип, сейил бактын 130 гектары гана калган. Бирок ушул аянтты да бүгүнкү күнү басып алышууда”,- деди премьер-министр.

Андан соң Бишкектин мэри К.Кулматовго сейил бактын чек араларын тактоого 2 айлык мөөнөт берди.

“Ушул убакыттын ичинде жумушчу топту түзүп, берилген буйрукту аткарууга аракет кылабыз. Мындан тышкары жер тилкелерин мыйзамсыз сатып жибергендер жоопкерчиликке тартылышат”,- деп жооп берди Кулматов.

Мындан кийин алар сейил бак аймагынан жер тилкелерин сатып алгандар менен жолугушту. Оторбаев жергиликтүү тургундардын маселеси мыйзамдуу түрдө чечилерин белгиледи.