Супер-Инфо
super.kg видео
Алайда жол тоскондор сабаган милиция кызматкери ооруканага жаткырылды
Алайда жол тосуп тургандар тарабынан токмоктолгон Алай райондук ички иштер башкармалыгынын кызматкери Алмазбек Маматов Ош облустук ооруканасына жаткырылды. Бул тууралуу бүгүн, 4-июнда бизге Ош облустук ички иштер башкармалыгынын басма сөз катчысы Жеңиш Ашырбаев билдирди.
Айтымында, милиция кызматкерлерин сабагандарга кылмыш иши козголду.“Алмазбек Маматов 3-июнда жол бууп турган
элге келип, буга чейин кылмыш иши ачылган
фактылар боюнча материалдарды жыйнаганы жатканда алар милициянын башчысын жана
тартип кызматкерлерин кубалап жиберишти. Жалпы 4 милиция кызматкерин сабашты. Алардын үчөөсү жеңил жараат алгандыктан, ооруканага жаткырылган жок”,- деди Ашырбаев.
Эскерте
кетсек, 27-майдан бери Ахматбек Келдибековдун тарапкерлери аны боштондукка
чыгарууну талап кылып, Ош - Эркеч-Там унаа жолун бууп турушат.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
12:59
2025-07-19
16:36
2025-07-17
19:12
2025-07-15
Рейтинг: 
-1
-1
Талкуу жабык.