Бишкектеги бак-дарактардын абалын текшерүү үчүн жумушчу топ түзүлдү

Бишкек шаарындагы бак-дарактардын санитардык абалын текшерүү үчүн жумушчу топ түзүлдү. Тийиштүү жарлыкка мэр Кубанычбек Кулматов кол койгонун 4-июнда мэриядан билдиришти. Аталган топ 9-июнга чейин шаар аймагындагы дарактардын абалын текшерип, анын негизинде куураган жана кулап түшүү коркунучу бар дарактар кесилет. Бул иштердин аткарылышын шаардын вице-мэри Олег Попиков көзөмөлгө алмакчы.

Айта кетсек, кечээ жакында катуу шамалдан улам шаарда бир нече дарак кулап түшкөн. Мунун айынан бир адам каза тапты.