Бельгияда "учуучу ресторан" ачылды

Дүйнө эли күн сайын жашоого өзгөчө жаңылык киргизип турары баарыбызга маалым эмеспи. Бул жолу бельгиялык ишкерлер өзгөчө тамактануучу жайды, тагыраагы, "учуучу ресторанды" ишке киргизишти. Бул тууралуу бүгүн, 5-июнда чет элдик маалымат каражаттары жазып чыгышты.

Маалыматка ылайык, бул өзгөчө жай 2-июндан тарта Брюсселдеги "50 жылдык" атындагы сейил бакта иштей баштады. 22 кишиге ылайыкталган ресторандын салмагы 1 тоннага жакын. Аны жүк көтөрүүчү кран 50 метр бийиктикке чейин көтөрүп турат. Анда ашпоз, официант жана коопсуздук кызматкери гана иштейт. 

Кардарлар отургучтарга атайын курларды тагынып отурушат. Мындай өзгөчө жайда тамактануу үчүн кардарлар эки жума мурун жазылышат жана мындагы эки сааттык тамактануу 250 еврого бааланат.