Депутаттар Өрт коопсуздугу агенттигин түзүүнү сунушташууда

Жогорку Кеңештин 5-июндагы жыйынында депутат Дастан Бекешев өкмөткө караштуу Өрт коопсуздугу агенттигин түзүүнү сунуш кылды. "Өрт коопсуздугу кызматын Өзгөчө кырдаалдар министрлигинин курамынан чыгарып, аларга буга чейин Экотехнологиялык инспекцияга берилип калган көзөмөл иш-милдетин кайра берүү зарыл",- дейт депутат.

Бекешев эгер өрт өчүрүүчүлөрдүн эмгек акысын көтөрүп, материалдык-техникалык базасы чыңдалбаса, бул кызматтын көйгөйлөрүнүн чечилүүсү кыйын экенин кошумчалады.