Эльвира Сариева Токмок шаарындагы Адистештирилген республикалык балдар үйүндө болду

Вице-премьер-министр Эльвира Сариева бүгүн, 5-июнда Токмок шаарындагы Адистештирилген республикалык балдар үйүндө болду. Анда өкмөт мүчөсү балдардын жашоо шарты, балдар үйүнүн бөлмөлөрү менен таанышып чыкканын өкмөттүн маалымат кызматы билдирди. 

"Өкмөттүн жарлыгына ылайык, балдар үйлөрүн көзөмөлгө алууга жана демөөрчүлүк колдоо көрсөтүү үчүн мамлекеттик органдар бекитилген. Ар бир министрликтин жана административдик ведомстволордун балдардын социалдык мекемелеринин алдындагы тийиштүү милдеттемелери бар. Учурда чиновниктер тарабынан балдарга жардам берилип жатканын же мурункудай эле көңүл сыртында калып жатканын аныктоо үчүн мониторинг жүргүзүлүүдө",- деди Сариева.