Жогорку Кеңештин тармактык комитети мөңгүлөр жөнүндө мыйзам долбоорун кароону кийинки аптага жылдырды

Жогорку Кеңештин Агрардык саясат, суу ресурстары, экология жана аймактык өнүгүү комитетинде бүгүн, 9-июнда мөңгүлөр жөнүндө мыйзам долбоору каралып, кеңири талкуулоо кийинки аптага жылдырылды. Айта кетсек, аталган мыйзамга жакында президент кол койбой артка кайтарган эле. Жыйында бул маселе боюнча баяндамачы биринчи вице-премьер-министр Тайырбек Сарпашев экени, бирок ал иш сапарда жүргөнү айтылды. Мындан кийин демилгечи депутаттардын бири Эркингүл Иманкожоева долбоорду кийинки аптада кароону сунуш кылды.