Депутаттар медициналык көчмө борборлор аймактарга чыга албай жатканын айтышты

Бүгүн, 12-июнда парламентте депутат Айнуру Алтыбаева өлкө аймагындагы айылдарды кыдырып, жергиликтүү тургундарга жеринде жардам бере турган медициналык көчмө борборлор аймактарга чыга албай жатканын айтып чыкты. Буга көңүл буруу сунушу менен өкмөттүн ЖКдагы өкүлүнө кайрылды.

“Ушу тапта каражаттын жоктугунан улам медициналык көчмө борборлор аймактарга чыга албай турат. Ал үчүн 100 миң сом өлчөмүндө каражат керек экен. Ал каражат Саламаттыкты сактоо министрлигинин бюджетинде каралган, бирок ал ушул кезге чейин бөлүнө элек”,- дейт Алтыбаева.