Норвегиялык сүрөтчү өзүнүн жамбаш сөөгүнөн шорпо жасап ичти

Учурда интернет айдыңында норвегиялык сүрөтчү Александр Сельвик Венгшель өзүнүн жамбаш сөөгүнөн шорпо жасап ичкендиги кызуу талкууга алынууда. Бүгүн, 16-июнда чет элдик маалымат каражаттары жазгандай, 21 жаштагы сүрөтчү дарыгерлерден операция учурун сүрөткө тартууну жана жамбаш сөөгүн өзүнө берүүсүн өтүнгөн. 

"Кичинекей кезимден эле жамбаш сөөгүм туура эмес өсүп, балдак менен басып, майыптар арабасында жүрдүм. 21ге чыккандан кийин оор болсо да операция жасатып, ордуна протез салдырууну чечтим. Башында жамбаш сөөгүмдү жөн эле сактап коюу үчүн сурагам. Кийин эмне болуп кетти билбейм, сөөктү кайнатууну туура көрдүм. Мискейге салып, эт сөөктөн ажыраганча кайнаттым. Бир убакта мага "эмне, өз этимди күнүгө эле жей бермек белем, даамдап көрөйүнчү" деген ой келип, ооз тийдим. Жакты, даамы койдун этине окшош экен",- деген.