"Бажы биримдигине кирүү менен товарларга болгон баалар 15-20 пайызга жогорулашы мүмкүн" дейт экономика министри

Кыргызстандын Улуттук банкынын эсептөөлөрү боюнча, товарларга болгон баалар жалпысынан 15-20 пайызга жогорулашы мүмкүн. Бул тууралуу кечээ, 16-июнда басма сөз жыйынында КРнын Экономика министри Темир Сариев билдирди.

Маалыматка ылайык, Бажы биримдигине кирүү менен оң өзгөрүүлөргө ээ болот. Сатып өткөрүүчү рыноктору кеңейип, чек арага жакын жерлердеги соода жүгүртүмү жакшырат. Ошондой эле экономиканын экспортко багытталган секторлорунун атаандаштык жөндөмдүүлүгү өнүгүп, анда жаңы жумуш ордулары пайда болот. “Бажы биримдигине кирүү менен айлык акыларды, социалдык төлөмдөрдү көбөйтүү мүмкүнчүлүгүнө оң таасирин тийгизет. Бажы союзунун өлкөлөрүнүн Кыргызстанга зарыл болгон товарларды, күйүүчү-майлоочу майларды, азык-түлүк, жыгач, металл сыяктуу нерселерди импорттоосунда тоскоолдуктар жоюлат”,- дейт Т.Сариев.