Кыргызстан Берлинде өткөн "Деликанто" фестивалына катышты

Кыргыз маданиятын жана маданий мурастарын жайылтуу долбоорунун алкагында Кыргызстан Германиянын Берлин шаарында өткөн "Деликанто" фестивалына катышты. Бул тууралуу бүгүн, 23-июнда КРнын Тышкы иштер министрлигинин басма сөз кызматы билдирди.

Маалыматка ылайык, аталган фестиваль 20-22-июнь күндөрү «Дидерсдорф» ак өргөөсүндө өткөн. Ага 45тен ашык өлкө катышкан. Фестивалдын жүрүшүндө көрүүчүлөр кыргыз маданияты, Кыргызстандын жаратылышы тууралуу маалымат алышты. Мындан сырткары кыргыз ашканасы боюнча мастер-класстар өткөрүлүп, коноктор кыргыз даамын татышты. Ошондой эле фестивалдын жүрүшүндө кийизден жасалган буюмдар жана кыргыз дизайнерлери жараткан "Чапан" аталышындагы айымдар жана эркектер кийимдеринин коллекциясы көрсөтүлдү.