Каржы министрлиги: Июнь айындагы республикалык бюджеттин чыгаша бөлүгү 8,5 миллиард сомго пландалууда

2014-жылдын июнь айына бекитилген Кыргыз Республикасынын республикалык бюджетинин жалпы кирешелеринин, ресурстарынын жана чыгашаларынын финансылык планына ылайык, июнь айында республикалык бюджеттин ресурстук бөлүгү 6,9 миллиард сомго мерчемделинди. Бул тууралуу Каржы министрлигинин басма сөз кызматы билдирди. Ал эми бюджеттин чыгаша бөлүгү 8,5 миллиард сомго пландалууда.

Мамлекеттик органдар аркылуу каржылануучу чыгымдарга (операциялык чыгымдар) 6,2 миллиард сом бөлүнүүсү пландалган. Имараттар жана курулмаларга 642 миллион сом бөлүнүүсү күтүлөт.