Америкалык сүрөтчү Жим Жилиан бөтөлкөнүн ичине көө менен тарткан сүрөттөрүн коомчулукка көрсөттү

Америкалык сүрөтчү Жим Жилиан ар кандай көлөмдөгү, формадагы жана түстөгү бош бөтөлкөлөрдү чогултуп, ичине өзүнүн кайталангыс пейзаж сүрөтүн тартып, эмгегин коомчулукка жарыялоодо. Бул тууралуу бүгүн, 30-июнда чет элдик басылмалар жазып чыгышты. 

Сүрөтчүнүн айтымында, эгер аларга экинчи өмүр берилбесе, бөтөлкөлөр көпүрөнүн астында, камыштардын арасында жана шаардын четинде жатмак. Жимдин эмгектериндеги эң башкы өзгөчөлүгү - пейзаждардын жаралуу процессинде.

Сүрөтчү бөтөлкөнүн ичинен шамды жагып, түтүн менен ышталгыча күтүп отурат да, пайда болгон көөнүн жардамы аркылуу картина жаратат. Андан соң Жим калем жана кичинекей аспаптарды колдонуп керексиз жерлерди өчүрүп, уникалдуу пейзажды тартып чыгат.