Дүйнөдөгү эң провокациялуу модель Мелани Гайдос келбетине карата жагымсыз сөздөрдү укса да, ишмердүүлүгүн улантып келет

Дүйнөдөгү эң провокациялуу модель Мелани Гайдос келбетине карата жагымсыз сөздөрдү укса да, ишмердүүлүгүн улантып келет. 25 жаштагы Мелани Гайдос журнал беттерине чыгып келген моделдерден кескин айырмаланат. Көпчүлүк адамдар аны көргөндө эмоциясын жашырышпайт. Бирок ал кыз менен сүйлөшүп көргөндөр анын укмуштуу энергетикасына, харизмасына жана ички дүйнөсүнүн сулуулугуна баа беришет.

Чет элдик маалыматтарга таянсак, Мелани Гайдос АКШда жашайт жана иштейт. Ал көптөгөн фотосессияларга активдүү катышып келет. Белгиленген сулуулук стандартты четке каккан Мелани белгилүү жана бай болууга жетишип, бир кадам менен өзүнө жана “сулуулук” деген талаштуу түшүнүккө элдин мамилесин өзгөрткөн.

Мелани Гайдос эктодермологиялык дисплазия (гендин бузулушу) менен жабыр тартат. Бул дарт теринин, чачтын, тырмактын, кээде сөөктүн калыптануусуна залалын тийгизет. Эктодермологиялык дисплазия ар кимге ар түрдүү таасир этет. Анын оор түрүнө чалдыккан Гайдоско элдер жагымсыз сөздөрдү айтышып, корккондор да бар.

Кебетесине карабай Мелани учурда нормалдуу жашоо кечирип, досторду тапкан. Алардын арасында белгилүү фотографтар, режиссёрлор, музыканттар бар.