Кытайда өлүккананын муздаткычынан тирүү аял табылды

Кытайдагы өлүкканалардагы муздаткычтын биринен тирүү аял табылды. Бул тууралуу бүгүн, 2-июлда чет элдик басылмалар жазып чыгышты.

Маалыматка караганда, окуя Цзядин районунда болгон. Анда өлүкканада иштеген кызматкер айым муздаткычтын коомай ачылып калганын көрүп, аны жаап коюуну чечкен. Бирок ал ичин карап, андагы тирүү аялды көрүп коркуп кеткен. Негизи, бул муздаткычта тааныла элек өлүктөр жатат.

Белгилүү болгондой, 70 жаштагы аял бул кадамга өзүн өзү өлтүрүү үчүн барган. Ал билинбей өлүкканага кирип, муздаткычтын ичине жатып, үстүнө шейшеп жаап койгон. Бирок анын планы ишке ашкан эмес, анткени муздаткыч өчүк болгон. Улгайган аялдын депрессияга кабылып, буга чейин бир нече ирет өзүнө кол салганы аныкталган.