Асел Кадырбекова: "Тасмада эрке кыздын образын жаратып жатам"

Назик үндүү ырчы Асел Кадырбекова тасмага тартылып, анда эрке кыздын образын жаратып жатканын бүгүн, 7-июлда SUPER.KG порталына билдирди.

Белгилей кетсек, ырчы тасмада биринчи жолу роль жаратып жатат.

“Өзүмдү сынап көрөйүн деп тасмага тартылдым. Фильмде бай ата-эненин эрке кызынын ролун аткардым. Менин каарманым кийим-кечекти абдан жакшы көргөн, аны жашоосунда биринчи орунга койгон кыз. Ар бир кыз кийимди жакшы көрөт эмеспи. Мен дагы алардын катарындамын. Ошондуктан бул жагынан ал кыз мага окшошуп кетет экен. Тасмага тартылуу мага жакты. Эми бул жаатта да иш алып барып, ар кандай адамдардын образын жараткым келет”,- дейт Асел Кадырбекова.

Кошумчалай кетсек, ырчы Нурлан Насип, Самат Эркинбеков менен бирге жакында Орусияда концерт коюп келишкен. Бул тууралуу ырчы: “Мен биринчи жолу алыска концерт коюп бардым. Мекендештербиз ырга суусап калышыптыр, эл көп келип, бизди жакшы кабыл алышты. Мени ал жактагылар тааныбайт го деп ойлоп жүрчүмүн. Бирок мени таанышат экен. Бул мен үчүн кубанычтуу болду”,- деп билдирди.