Биометрикалык паспорт системин киргизүү боюнча Жоомарт Оторбаев Монголияга учуп кетти

Премьер-министр Жоомарт Оторбаев бүгүн, 8-июлда Монголиянын Улан-Батор шаарына бир күндүк иш сапары менен учуп кетти. Маалыматты өкмөт аппаратынан билдирди. Иш сапардын максаты - биометрикалык паспорт системин киргизүү, айыл чарба, парламенттер аралык кызматташуу жана шайлоолордун өтүшү боюнча Монголиянын тажрыйбасы менен таанышуу. Иш сапардын алкагында Оторбаев баштаган делегация Монголиянын президенти Цахиагийн Элбэгдорж жана премьер-министри Норовын Алтанхуяг менен жолугушары пландалууда.

Делегациянын курамында “Ата Мекен” фракциясынын лидери Өмүрбек Текебаев жана КСДП фракциясынын башчысы Чыныбай Турсунбеков да бар.