Румынияда 3 жыл мурун каза болгон айым о дүйнөдөн селфи сүрөтүн небересине жөнөткөнү талкууланууда

Румыниядагы Скуртешть шаарынын 34 жаштагы тургуну өзүнүн телефонунун экранынан 3 жыл мурун каза болгон чоң энесинин сүрөтүн көрүп таң калган. Ал муну "о дүйнөдөн келген билдирүү" деп, чоң энесинин эмнени айткысы келгенин изилдеп, бир топ иш-аракеттерди жасаган. Жина Михай тарабынан интернетке тараган сүрөттө маркумдун келбети жакшы көрүнгөн эмес, ал эми анын моюнунан ак чүпүрөккө окшош нерсе көрүнгөн. 

34 жаштагы айым сүрөттү көзү ачыкка алып барганда, ал моюнга оролгон нерсенин жылан экенин айтып, жердеги күнөөлөрү үчүн аркы жашоодо чоң энесинин моюнуна оролуп алганын билдирген. 

Кийинки жашоосу үчүн даярданган Жина Михай жана анын туугандары моюнуна жылан оролбошу үчүн чиркөөгө барып, өздөрү жана чоң энелери үчүн сыйынып турууну чечишкен. Маркумдун сүрөтү небереси таттуу токоч бышырып жаткан учурда пайда болгону да айтылат. 

Румынияда "о дүйнөдө тамактануусу үчүн мүрзөсүнө тамак алып барып туруу керек" деген ишеним бар экенин айткан Жина Михай күн сайын энеси жаткан жерге тамак алып барарын кошумчалаган. 

"Чоң энемдин сүрөтү мен тамак бышырып жатканда пайда болду. Бул бекеринен эмес. Анын арбагы тынч болуш үчүн бардык күчүмдү жумшайм",- дейт ал. 

Бул тууралуу 7-июлда чет элдик басылмалар жазып чыгышты.