Бишкек. 6 айда орой мамилеге тушуккан 25 бала ооруканага кайрылды

Бишкекте жыл башынан бери орой мамилеге туш болгон 25 бала шаардагы балдар клиникасына кайрылды. Муну бүгүн, 10-июлда Шаардык саламаттыкты сактоо департаменти кабарлады. Маалыматка таянсак, кайрылган 25 баланын ичинен 14ү ооруканага жаткырылып, 11 балага амбулатордук жардам көрсөтүлгөн. Бардык фактылар боюнча тийиштүү маалыматтар райондук ички иштер башкармалыктарына берилгени айтылды. 

Аталган департамент жарым жылда шаарда безгек оорусу менен ооруканага кайрылгандар болбогонун кошумчалайт.