Бишкек шаары боюнча уюшулган мектеп алдындагы лагерде болгондордун саны 2,5 миңден ашты

Бишкек шаарындагы 33 мектептин базасында мектеп алдындагы лагерь уюшулган. Анда 2 маал тамак каралган. Бул тууралуу бүгүн, 11-июлда шаардык мэриянын басма сөз кызматынан кабарлашты.

Маалыматка ылайык, ага жетим балдар, жарым жетим балдар, көп балалуу үй-бүлөдөгү балдар, аз камсыз болгон үй-бүлөдөгү балдар, ден соолугунун мүмкүнчүлүгү чектелген балдар жана 2010-жылдагы 7-Апрель окуясынын катышуучуларынын балдары чакырылган. Балдардын өздүк көркөм чыгармачылыгын, шыгын жана жөндөмүн өстүрүүгө багытталган программага жалпысынан 2530 бала катышкан.