Президент "Жаныбарларды идентификациялоо жөнүндө" мыйзамга өзгөртүү киргизди

Президент Алмазбек Атамбаев "Жаныбарларды идентификациялоо жөнүндө" КРнын мыйзамына өзгөртүү киргизүү тууралуу" мыйзамга кол койду. Жогорку Кеңеш тарабынан 2014-жылдын 25-июнунда кабыл алынган мыйзамдын максаты - жаныбарларды паспорттоштуруу жөнүндө мыйзамдын күчүнө кирүү мөөнөттөрүн өзгөртүү.

Тактап айтканда, "Жаныбарларды идентификациялоо жөнүндө" мыйзамдын 14-беренесине өзгөртүү киргизилип, ага ылайык, мыйзам бодо мал баккандар үчүн 2014-жылдын 1-ноябрынан, жылкы кармагандар үчүн 2015-жылдын 1-ноябрынан, майда мал баккандар үчүн 2016-жылдын 1-ноябрынан, канаттууларды, аарыларды кармагандар үчүн 2017-жылдын 1-ноябрынан тартып иштей баштайт.

Мыйзам расмий жарыяланган күндөн тартып күчүнө кирет.