Алмазбек Атамбаев Украинада Боинг 777нин кыйрашына байланыштуу Малайзиянын өкмөт башчысына көңүл айтты

Мамлекет башчы Алмазбек Атамбаев бүгүн, 18-июлда Нидерландынын падышасы Виллем Александрга, Малайзиянын премьер-министри Нажиб Тун Разакка жана Австралиянын генерал-губернатору Питер Жон Коскгроувго Украинанын аймагындагы малайзиялык авиалайнердин кыйрашынын кесепетинен көптөгөн адамдардын каза болушуна байланыштуу көңүл айтты. Муну президенттик аппараттан билдиришти. Мамлекет башчы каза болгондордун туугандарына жана жакындарына терең кайгыруу менен көңүл айтуу менен колдоо көрсөткөн сөздөрүн узатты.