Супер-Инфо
super.kg видео
Бишкекте Айт намазы окулду (фоторепортаж)
Муфтий Максатбек ажы Токтомушев чогулган элди Айт майрамы менен куттукттап, 15 мүнөт баян окуду.
Төрага Асылбек Жээнбеков элди бүгүнкү Айт майрамы менен куттуктады жана өлкө башчы Алмазбек Атамбаевдин куттуктоо сөзүн окуду.
Айт намазын окууга бийлик өкүлдөрүнөн биринчи вице-премьер Тайырбек Сарпашев, ЖКнын төрагасы Асылбек Жээнбеков, орун басары, депутат Төрөбай Зулпукаров, Дастан Бекешев, Турсунбай Бакир уулу, социалдык жактан өнүктүрүү министри Кудайберген Базарбаев, эмгек, жаштар жана миграция министри Алиясбек Алымкулов, калаа башчы Кубанычбек Кулматов катышты.
Аксакалдар алдыңкы саптарга турушту.
Айт намазы эски аянтта окулуп, жалпы 50 миңден ашуун эл катышты.
Жалпы элге кошулуп милиция кызматкерлери да кыбыланы карап турушту.
Экс-акыйкатчы Турсунбек Акун ниет кылуу учурунда жолдун жээгинде элден бөлүнүп турду.
Аянтка эл батпай, жылдагыдай эле бак арасында, көк чөп үстүндө окуп жатышты.
Намаз учурунда бийлик төбөлдөрүнүн сакчылары көзөмөл кылып жатышты.
Мусулмандар намаздан соң бири-бирин кучактап, Орозо айт майрамы менен куттукташууда.
Намазга калаанын мотурайган балдары да катышты.
Турсунбек Акун эл тарап жатканда 30га чукул элди токтотуп, мусулманчылыкка тиешелүү беш парздын маанисин түшүндүрүп берди.
Муфтий Токтомушев каалоочулар менен саламдашып, бүгүнкү майрамдары менен куттуктады.
Муфтий менен учурашууга намазга келгендер кезекке туруп жатышат.
Достор да жылуу учурашып, туткан 30 күндүк орозолорунун кабыл болушун тилеп, бири-бирин куттуктады.
Бүгүн, 29-июлда Бишкек шаарындагы эски аянтта Айт намазы окулду. Ага ЖКнын төрагасы Асылбек Жээнбеков, өкмөт өкүлдөрү, Бишкек шаарынын мэри Кубанычбек Кулматов катышты.
Намазга жыгылуу саат 7:30да башталды. Кыргызстан мусулмандарынын дин башкармалыгынын муфтийи Максатбек ажы Токтомушев баш болгон дин аалымдары келишти. Алгач муфтияттын кызматкерлери тарабынан Айт намаздын шарттары жана куттуктоо сөздөрү айтылды. Айт намазын окууга 50 миңден ашуун эл катышты.
Орозо айтыңыздар маарек болсун!
Автор: Бекжан Рыскулов
Оператор: Азамат Бакиров
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
19:16
2025-07-03
16:30
2025-07-03
15:40
2025-07-03
Рейтинг: 
6
6
Жалаң баш тамгалар менен жазууга тыюу салынат.
Туткан орозонуздар кабыл болсун.
негизи эле мусулманмын деген эки жуздуу адамдар аябай коп.
RIP my poor city...