Түндүк Ирландияда сазда сүзүү сынагы өттү

Түндүк Ирландиянын тургундары саз майрамын белгилешти. Аталган майрам 10 жылдан бери 50 метр аралыкка сазда сүзүү сынагы менен коштолуп келет. Быйыл жылдагыдан өзгөчөлөнүп, майрамдоого чет өлкөдөн да коноктор келишти. Бул тууралуу 28-июлда чет элдик басылмалар жазып чыгышты. 

Данганнон шаарынан алыс эмес жердеги Питлендс сейил багында орун алган сынакта катышуучулар медайым, зомби жана баканын образында кийинип келишкен. Эрежеге ылайык, ар бир катышуучу 50 метр аралыкты сүзүп өтүшү керек. Ошондой эле калак буттар, маска жана түтүктүн жардамы менен сүзүп, бирок чабак урбашы керек. Аба ырайынын бузулушуна карабай 30 адам катышты. 

Түндүк Ирланиянын тургундары бул майрамды 19 жылдан бери белгилешет. Уюштуруучулар мындай чемпиондук аркылуу жоголуп бара жаткан саздардын көйгөйүнө коомчулуктун көңүлүн бурууну максат кылып келишет.