Мидин Жолдошалиев Бишкектеги Биринчи Май райондук сотунун төрагасы бойдон калат

Мидин Жолдошалиев 27-августтан тартып Бишкек шаарынын Биринчи Май райондук сотунун төрагасынын кызматын улантат. Бул тууралуу 6-августта президенттин басма сөз кызматы билдирди.

Мындай чечим өлкө башчы Алмазбек Атамбаев кол койгон жарлыкка ылайык кабыл алынган. "Кыргыз Республикасынын судьяларынын статусу жөнүндө» Кыргыз Республикасынын конституциялык мыйзамынын айрым ченемдеринин колдонулушун токтотуу тууралуу» Кыргыз Республикасынын конституциялык мыйзамына ылайык токтом кылынды. Жарлык кол коюлган күндөн баштап күчүнө кирет" деп айтылат маалыматта.