Бишкек - Балыкчы унаа жолундагы кырсыкта ага-инилер унаанын ичинде күйүп кетишти

Бишкек - Балыкчы унаа жолундагы жол кырсыгынан эки адам набыт болду. Бул тууралуу ӨКМнын басма сөз кызматы билдирди.

Белгилүү болгондой, кечээ, 6-августта саат 23:00 чамасында эки унаа кагылышып кеткен. Анын кесепетинен Форт-Транзит үлгүсүндөгү унаа күйүп, анын ичинде ээси, 1994-жылы туулган Исмар Мухамед, жанындагы иниси, 1998-жылы туулган Исмар Ибрагим болушкан. Форт-Транзит унаасынын айдоочусу жана жанындагы жаран мерт болуп, өрттөнүп, күйүп калышкан. 

Мерседес жүк ташуучу автоунаасынын айдоочусу, 1989-жылы туулган Сапарбек Култубаев жаракат алып, "Тез жардам" аркылуу ооруканага, жандандыруу бөлүмүнө жеткирилген. Жүк ташуучу автоунаанын ичиндеги үйгө керектелүүчү эмеректердин 70 пайызы күйүп, калганы сакталып калды. Жол кырсыгы боюнча иликтөө иштери жүрүүдө.