Кыргызстанда тышкы миграциянын эң жогорку деңгээли 2010-жылга чейинки үч жыл аралыгында байкалган

Бүгүн, 7-августтагы тегерек столдун жүрүшүндө баяндама жасаган адис Татьяна Архипова: “Кыргызстанда тышкы миграциянын эң жогорку деңгээли 2007-2010-жылдарда байкалган”,- деди. 

Анын айтымында, 2007-жылы Кыргызстандан 54,6 миң адам, 2010-жылы 54,5 миң адам чет өлкөлөргө кеткен. “Мындан сырткары тышкы миграциянын жогорку деңгээли 1995-жылы (37,3 миң адам), 2002-жылы (32,7 миң адам) жана 2005-жылы (30,7 миң адам) катталган.

Ал эми Кыргызстанга келүүнүн жогорку деңгээли 1995-жылы (18,4 миң адам) байкалып, 2004-жылы эң төмөнкү деңгээлди (3,3 миң адам) көрсөткөн”,- деди Т.Архипова.

Анын билдиришинче, аталган көрсөткүчтөр КРнын Статистикалык комитетинин архивинен алынган.