“We’ll be” бий тобу Америкадагы бий боюнча биринчиликтин жарым финалына өттү

6-августта АКШда старт алган бий боюнча биринчиликте кыргызстандык “We’ll be” бий тобу жарым финалга өттү. Бул сүйүнүчтүү кабарды аталган топтун бийчиси Эрмек Керимбаев интернеттеги өздүк баракчасына жазып чыкты. 

Топтун бийчилери Дастан Тилек уулу, Максат Токтоналиев, Эрмек Керимбаев, Рустам Мараткулов, Гүлчоро Сыдыков, Нишаналы Кубаталы уулу жана Кубанычбек Чилетиров 2-август күнү Москва шаарына, андан соң АКШга сапар тартышкан. 

Кошумчалай кетсек, бул сынакка катышуу үчүн 20 миң доллар каражат керектелип, 4-июлда Бишкектеги Т.Сатылганов атындагы Кыргыз улуттук филармониясында марафон-концерт берген.