Муфтий Максатбек ажы Токтомушев учак маселесин чечүү үчүн Сауд Арабияга жөнөп кетти

Бүгүн, 11-августта муфтий Максатбек ажы Токтомушев ажылык сапарга бара тургандарды ташый турган авиакомпанияга байланыштуу маселесин чечүү үчүн Сауд Арабияга жөнөп кетти. Бул тууралуу SUPER.KG порталына муфтияттын ажылык умра бөлүмүнөн Кубанычбек ажы Чукуев билдирди.  

“Кыргызстандыктарды ажылык сапарга "Fly Dubai" авиакомпаниясы алып баруусу керек эле, бирок Арабия "Flynas" авиакомпаниясын сунуштап жатат. Бул маселени чечип келгени муфтий өзү кетти”,- деди Чукуев. Маалыматтарга караганда, "Flynas" команиясынын билет баасы 300 долларга кымбат болууда.

Айта кетсек, ажылык сапарга кыргызстандыктар 8-сентябрдан тартып жөнөп кетиши керек.