Орусиядан "өз жердешин бычактап өлтүрдү" деген шек менен кыргызстандык жаран кармалды

Орусиядан "өз жердешин бычактап өлтүрдү" деген шек менен кыргызстандык жаран кармалды. Бул тууралуу чет элдик маалымат каражаттары 13-августта жазып чыгышты.

Маалыматтарга караганда, Орусиянын Красноярск шаарындагы Чернышевский көчөсүндөгү үйлөрдүн биринде бычактан алган жараатынан улам каза тапкан адамдын жансыз денеси табылып, ал кыргыз жараны экендиги аныкталган. Көп өтпөй анын өлүмүнө шектүү катары Орусияда чогуу иштеп жүргөн кыргызстандык жердеши кармалган. Алдын ала берилген маалыматтарга ылайык, 10-август күнү кыргызстандык эки жаран алкоголдук ичимдиктерди ичип отурушкан, ортодо келип чыккан уруш учурунда алардын бири экинчисин бычактап салган.

Учурда аталган окуя боюнча кылмыш иши козголуп, иликтөө иштери жүрүп жатканы белгилүү болду.