Чаткалда эки жигит унаасы менен 40 метр бийиктиктен дарыяга түшүп кетип, үч күндөн бери дайынсыз болууда

Чаткал районундагы Курулуш айылынын 23 жана 27 жаштагы эки тургуну унаасы менен Ак-Таш капчыгайындагы Чаткал дарыясына 40 метр бийиктиктен түшүп кетип, үч күндөн бери дайынсыз болууда. 

Бул тууралуу айыл тургундары бүгүн, 19-августта SUPER.KG порталына билдиришти. Айтымдарында, алар үч күн мурун Ак-Таш айылынан Курулуш айылына келе жатканда дарыяга түшүп кетишкен. 

Ал жерден жергиликтүүлөр машинанын номерин, алдынкы бамперин жана башка сыныктарын табышкан. Ал эми Өзгөчө кырдаалдар министрлигинин атайын кызматы кечээ, 18-августта издөө иштерин жүргүзүүнү баштаганы айтылды.