"Тамашоудогу" "Юристтер" командасында ойногон Нургазы Саралаев сүйүктүүсүнүн колун сурады

"Тамашоу" долбооруна катышкан мурунку “Юристтер” командасынын оюнчусу, "Сүйөм дечи" тасмасында роль жараткан таланттуу жигит Нургазы Саралаев сүйүктүүсүнүн колун сурады. 

Бул тууралуу 19-августта SUPER.KG порталына билдирип: “Сүйүктүүмдүн колун Ысык-Көлдө, романтикалуу маанайда сурадым. Шамдар жагылып, саксофондо жагымдуу ыргактар ойнолуп жатты. Болочоктогу жубайым менен 2 жыл сүйлөштүм. Аты Жаңылай, ал 24 жашта, теги Таластан болот. Быйыл медициналык окуу жайды бүтүрдү. Романтикалуу сунушум ал үчүн күтүүсүз  болду. Ага досторубуз күбө болушту. Тойду болсо ноябрь айына белгилеп жатабыз”,- деди.

Маалымат үчүн айта кетсек, учурда ал тойлордо тамадалык кылып жана жеке ишкердик менен алектенүүдө.