Бишкекте 26 жаштагы жаран көп кабаттуу үйдүн 8-кабатынан кулап, аман калды

Бишкекте 26 жаштагы жаран көп кабаттуу үйдүн 8-кабатынан кулап, аман калды. Бул тууралуу Бишкек шаардык куткаруу кызматынан бүгүн, 25-августта билдирди.

Маалыматка караганда, 24-август күнү түшкө маал Алма-Ата көчөсүндө жайгашкан №6-үйдүн 8-кабатынан 2-кабатка 1988-жылы туулган Дмитрий Гусенко кулап түшкөн. Окуя болгон жерге куткаруучулар барышып, жабыркаган жаранга биринчи медициналык жардам көрсөтүшкөн. Учурда анын эмне себептен 8-кабаттан кулап түшкөнү такталууда. Жабырлануучунун колу-буту сынган.