Дене тарбия жана спорт мамлекеттик агенттигинин мурунку директору Мурат Саралиновдун 2013-жылдагы маянасы 248 503 сомду түзгөн

КРнын Өкмөтүнө караштуу Дене тарбия жана спорт мамлекеттик агенттигинин мурунку директору Мурат Саралиновдун 2013-жылдагы маянасы 248 503 сомду түзгөн. Бул тууралуу КРнын Мамлекеттик кадр кызматы жарыялаган декларацияда көрсөтүлгөн.

Маалыматка ылайык, М.Саралинов айлык акыдан тышкары өткөн жылы дивиденд түрүндө 65 362 300 сом тапкан. Ал 79 чарчы метр батирге жана 250 чарчы метр келген коттеджге, 2010-жылы чыккан Ренж Ровер автоунаасына ээлик кылат.

Анын жакын туугандарынын 268,3 чарчы метр аянттагы батири, 19,5 чарчы метр келген гаражы жана дачасы бар. Ага кошумча Лексус RX350 жана Лексус GX460 автоунаалары көрсөтүлгөн.