Чүйдөгү митингчилер Бишкек-Чалдыбар жолун тосушту

Чүйдүн Панфилов районуна караштуу Вознесеновка айылынын тургундары кен казуу ишин жүргүзгөн "РедМет" компаниясына каршы митингге чыгышып, Бишкек-Чалдыбар унаа жолун буушту. Аталган компания Чоң-Кайыңды капчыгайында иштеп жатат. Нааразы тарап компания таза сууну булгап жатканын айтышып, анын ишин токтотууну талап кылышууда. Маалыматтарга таянсак, митинг болгон жерге жүздөгөн адам чогулушту.