Голливуд жылдыздары Брэд Питт менен Анжелина Жоли Францияда расмий түрдө үйлөнгөнү боюнча жар салышты

Голливуд жылдыздары Брэд Питт менен Анжелина Жоли Францияда расмий түрдө баш кошушканы боюнча жар салышты. Бул кубанычтуу кабарды алардын басма сөз катчысы тастыктаганын чет элдик массалык маалымат каражаттары бүгүн, 29-августта жазып чыгышты.  

Буга чейин 50 жаштагы Брэд менен 39 жаштагы Анжелина 9 жыл жарандык никеде жашашкан. Алар 6 баланы тарбиялап келишет.

Маалым болгондой, үйлөнүү той Франциянын Шато Мировал аттуу жеринде өткөн дем алыш күндөрү орун алган. Салтанатка алардын эң жакын достору, туугандары, 6 баласы жана чиркөө кызматкери күбө болгон.

Жубайлардын тоюнда 10 жаштагы Пакс жана 13 жаштагы Мэддокс энесин чиркөөнүн төрүнө жетелеп барышкан. Ал эми шакекти 6 жаштагы Нокс жана 8 жаштагы Шилох көтөрүп чыгышкан. 9 жаштагы Захара жана 6 жаштагы Вивьенн розанын желекчелерин ыргытып турушкан.