Мындан ары Жогорку Кеңештин имаратына кирүү электрондук өткөрмөлөр аркылуу гана жүргүзүлөт

Жогорку Кеңеште адам ресурстарын башкаруунун заманбап системинин алкагында парламент имаратына жаңы өткөрүү системи киргизилди. Жогорку Кеңешти 2016-жылга чейин өнүктүрүү долбооруна ылайык, парламенттин аппараты менен иш башкармалыгынын кызматкерлеринин эмгек тартибин бекемдөө, коопсуздукту жана депутаттардын, кызматкерлердин, Жогорку Кеңешке келгендердин иштөө шартын камсыз кылуу максатында “Электрондук турникет” (Башкаруу жетимдүүлүгүнүн көзөмөл системи) долбоору иштелип чыккан. Мындан ары Жогорку Кеңештин имаратына кирүү электрондук өткөрмөлөр аркылуу гана жүргүзүлөт.