Кыргызстанда 1-сентябрга карата 23 мектеп курулуп бүткөнү айтылды

Кыргызстанда 1-сентябрга карата 26 мекеменин курулуш иштери бүттү. Муну 3-сентябрда Архитектура, курулуш жана турак жай-коммуналдык чарба агенттигинин басма сөз кызматы билдирди. 18 мекеме мамлекеттик бюджеттин эсебинен, 8и түркиялык насыянын эсебинен курулганы айтылды. Мунун ичинен 23ү билим берүү мекемеси. Жылдын аягына чейин түркиялык насыянын эсебинен дагы 25 мектептин курулушун аяктоо пландалып жатыптыр. Баткен облусунда 3, Жалал-Абад облусунда 4, Ысык-Көл облусунда 4, Нарын облусунда 3, Ош облусунда 9, Талас облусунда 2 мектептин курулушу ушу тапта уланып жатат.